სამეფო კლუბში, თურქი ფეხბურთელის მომავალი კითხვის ნიშნის ქვეშ დგას.

ნიშანდობლივია, რომ სწორედ ალტინტოპმა, თავისი განცხადებით, გაირთულა ყოფა მადრიდში.საუბარია ინტერვიუზე, რომელიც ჰამიტმა ერთ-ერთ თურქულ გამოცემას მისცა.გთავაზობთ, ციტატას: "კლუბის ხელმძღვანებელი სათანადოთ ვერ მაფასებენ.ასე თუ გაგრძელდა, ზამთრის სატრანსფერო ფანჯარაზე ესპანეთიდან წავალ."

ალბათ, რთული მისახვედრი არ იქნება, თუ როგორ განწყობაზე დადგებოდა მოურინიო, აღნიშნულის წაკითხვის შემდეგ.უკვე გაჩნდა ხმები იმის შესახებ, რომ "რეალი" მზად არის 3-5 მილიონად შეელიოს ნახევარმცველს, თუმცა თავად ჰამიტი ამის წინააღმდეგია, რამეთუ მას კვლავ უფასოდ სურს გუნდიდან გადაბარგება.ბუნებრივია, ამ აზრზე იქნება ალტინტოპი, გამომდინარე იქედან, რომ უთამაშებელ და პრაქტიკის არმქონე ფეხბურთელში, ცოტა ვინმე თუ გადაიხდის ნახსენებ თანხას.

შეგახსენებთ, რომ ალტინტოპი ზაფხულში, თავისუფალი აგენტის სტატუსით, ტრავმირებული, გადმოვიდა "რეალში."ის 3 თვის განმავლობაში მკურნალობდა და ჯერჯერობით, მხოლო 20 სათამაშო წუთი ერგო "თეთრი" მაისურით.ერთი სიტყვით, მისი ამჟამინდელი მდგომარეობა არასახარბიელოა, მაგრამ იქნებ თქვენ მითხრათ, თუ რას მოელოდა ჰამიტი, "ბლანკოსში" გადმოსვლის შემდეგ?