საქმე მხოლოდ გამარჯვებებაში არ მდებარეობს, ვინაიდან "ლოს ბლანკოსის" ფეხბურთელები ამავდროულად ძალიან ბევრ გოლს იტანენ. "პრიმერა დივიზიონში" მადრიდელებმა უკვე 39 გოლის გატანა შესძლეს, აქედან 24 "სანტიაგო ბერნაბეუზე", ხოლო 15 გასვლაზე. შესაბამისად, მადრიდელები ყოველ თამასში დაახლოებით 3.5 გოლს იტანენ, ეს კი ძალიან კარგი მაჩვენებელია. მხოლოდ "სანტიაგო ბერნაბეუზე" გატანილი გოლების მიხედვით (24), "სამეფო" კლუბს 2.5 გოლი გააქვს მატჩში.

აღსანიშნავი ისაა, რომ ასეთი რამ "რეალის" ისტორიაში არ მომხდარა. აქამდე "მერენგთა" რეკორდი მე–11 ტურის შემდეგ 29 გატანილი გოლი იყო (საშვალოდ 2.6 გოლი, 1989/1990). კრიტიკოსები კი ნამდვილად ცდებოდნენ იმაში, რომ ჟოზე მოურინიო დაცვითი ფეხბურთის მიმდევარია, თუმცა სტატისტიკა ყველაფერს რეალურად გვიჩვენებს.

გუნდს ჰყავს სამი ცენტრ–ფორვარდი, რომლებმაც უკვე ბევრჯერ მოახერხეს მეტოქის კარის აღება. კრიშტიანუ რონალდუმ "ლა ლიგაში" უკვე 13 გოლი გაიტანა, გონსალო იგუაინმა 11, ხოლო მესამე ფორვარდმა ქარიმ ბენზემამ 6–ჯერ შესძლო ბურთის ბადეში გახვევა. საერთო ჯამში კი მათ 30 გატანილი გოლი დაუგროვდათ, ანუ გატანილი გოლების თითქმის 70 პროცენტი.

Realmadrid.com