რონალდუ მართლაც შესაშურ ფორმაში იმყოფება. მას "ლა ლიგაში" 13 გატანილი გოლი დაუგროვდა 10 გამართულ შეხვედრაში და ამ შედეგით იგი არგენტინელ ლიონელ მესის გაუტოლდა. აღსანიშნავი ისაა, რომ პორტუგალიელმა მეგა–ვარსკვლავმა "რეალის" რიგებში 106 შეხვედრაში 103 გოლი გაიტანა, ეს კი სავარაუდოდ მალე რეკორდის ნიშნულს მიუახლოვდება. არითმეტიკის თანახმად, კრიშტიანუ ყოველ შეხვედრაში 0.97 გოლს იტანს, რაც განუმეორებელი შედეგია.

ბომბარდირთა დავა (პრიმერა დივიზიონი):

კრიშტიანუ რონალდუ (მადრიდის რეალი) – 13 გოლი
ლიონელ მესი (ბარსელონა) – 13 გოლი
გონსალო იგუაინი (მადრიდის რეალი) – 11 გოლი
ქარიმ ბენზემა (მადრიდის რეალი) – 6 გოლი
რობერტო სოლდადო (ვალენსია) – 6 გოლი

ყურადღების გამახვილება იმაზეც ღირს, რომ ბომბარდირთა დავაში მოწინავე პოზიციებზე სამი "მერენგი" იმყოფება (კრიშტიანუ რონალდუ, გონსალო იგუაინი და ქარიმ ბენზემა), ხოლო კატალონიური "ბარსელონიდან" გამოსარჩევი მხოლოდ ლეო მესია, რომელმაც დღეს უნდა ჩაატაროს მორიგი მატჩი.

Marca.com