ესპანეთში ამბობენ, რომ ადამიანი, რომელიც დილით ადრე დგება, ღმერთისგან უფრო მეტ წყალობას იღებს.

ამჯერად, მადრიდელები კვირას დილით კათოლიკურ ტაძრებს კი არ მიაშურებენ, არამედ შეუდგებიან "სანტიაგო ბერნაბეუს" გზას, სადაც ლიტურღიის ნაცვლად საფეხბურთო მოვლენა უნდა იხილონ."თეთრ" მაისურებში გამოწყობილ ინჩასებს, მაღვიძარების მომართვა მოუწევთ, რამეთუ "ბერნაბეუზე" დაგვიანება არ ღირს, გამომდინარე იქედან, რომ ანშლაგია მოსალოდნელი.

მოკლედ, კვირას "სანტიაგო ბერნაბეუზე" უჩვეულო დროს, მადრიდის დროით 12 საათზე, დაიწყება თამაში, "რეალსა" და "ოსასუნას" შორის.აღსანიშნავია, რომ დილის დაპირისპირებები, არა მხოლოდ საშინაო სტადიონისთვის, არამედ ზოგადად კლუბისთვისაც უცხო ხილია.აქამდე, მადრიდელებს მხოლოდ სამჯერ გაუმართავთ შეხვედრები თორმეტ საათზე (76-77, 89-90 & 95 წლების სეზონში).

რაც შეეხება ბოლოს თამაშს, რომელიც მადრიდელებმა 12 საათზე ჩაატარეს, დამთავრდა 1-5 "თეთრების" გამარჯვებით.აღნიშნული მატჩის დეტალები იხილეთ მთავარ სურათზე.