სამეფო კლუბის მარცხენა მცველმა, ფაბიო კოენტრაომ ჟურნალისტებთან საუბრისას განაცხადა, რომ მის თანამემამულეებს არ ეხებათ რიკარდო კარვალიოსთან დაკავშირებული პრობლემები. მოგეხსენებათ, ვეტერანი მცველი ნაკრებს სკანდალურად გამოემშვიდობა, მას მთავარ მწვრთნელთან სერიოზული პრობლემები აქვს...

"რონალდო, პეპე და კარვალიო ჩემი უახლოესი მეგობრები არიან, მათთან ერთად დროის უმეტეს ნაწილს ვატარებ, ბუნებრივია თითოეულთან შესანიშნავი ურთიერთობა მაკავშირებს. მიუხედავად იმისა, რომ მე და რიკი ერთმანეთთან ძალიან ახლოს ვართ, ეროვნულ ნაკრებზე არ ვსაუბრობთ, ჩვენი ამჟამინდელი საზრუნავი მხოლოდ მადრიდის "რეალი" და ამ უდიდესი გუნდის წარმატებაა."

"კარვალიოს და ეროვნული ნაკრების თავკაცის პრობლემა ჩვენი გადასაწყვეტი არ არის, ყველაფერი თავისით ჩადგება კალაპოტში."

"რა თქმა უნდა ურთულესია რიკარდოს გარეშე პორტუგალიის ნაკრების წარმოდგენა, მაგრამ ჩვენი მოვალეობაა მწვრთნელს დავემორჩილოთ და მის სიტყვას პატივი ვცეთ, მომდევნო შეხვედრას რიკის გარეშე მოვიგებთ."