სამეფო კლუბი ბრწყინვალე ფორმაში იმყოფება, ჟოზე მოურინიოს შეგირდები შესანიშნავად ირჯებიან და ამაზე ისიც მეტყველებს, რომ გუნდმა ჩემპიონთა ლიგაზე 4 შეხვედრა გამართა და შესაძლო 12-იდან 12 ქულა მოიპოვა, "მერენგებს" 100 %-იანი შედეგი აქვთ, ყველაზე სასიხარულო კი ის არის, რომ მიმდინარე გათამაშებაში იკერ კასილასის კარის აღება ვერცერთმა გუნდმა ვერ მოახერხა...

ლიონში გამარჯვების შემდეგ "ბლანკოსმა" ლიგის 1/8 ფინალის საგზური ვადაზე ადრე გაინაღდა.

სამეფო კლუბი ასევე ერთადერთია იმ დანარჩენ გუნდებს შორის, რომლებიც ევროპის ყველაზე პრესტიჟულ ტურნირზე გამოდიან, მოგებების მხრივ. 100 % -იანი შედეგი არცერთ გუნდს არ აქვს. იუნაიტედი და ბარსელონა 3-3 მატჩის მოგებით და თითო ყაიმით იწონებენ თავს, შემდეგ კი ინტერი მოდის, რომელმაც სამჯერ მოიგო, ერთხელ კი დამარცხდა. დანარჩენ გუნდებს 8 ქულა აქვთ, მათ შორის აღსანიშნავი აპოელია, რომელმაც ყველა სკეპტიკოსი გააჩუმა.

მიმდინარე გათამაშებაში "რეალმა" 10 გოლის გატანა მოახერხა. კრიშტიანო რონალდო კვლავ ლიდერობს, პორტუგალიელის ანგარიშზე 3 გოლი გახლავთ, კარიმ ბენზემამ მეტოქეთა კარებები 2-ჯერ დალაშქრა, ასევე გოლების გატანა მოახერხეს ანხელ დი მარიამ, რიკარდო კაკამ და სერხიო რამოსმა.