32 გუნდს შორის მადრიდის "რეალი" ერთადერთია, რომელსაც სამი ჩატარებული შეხვედრიდან სამივე აქვს მოგებული. მადრიდისტები ჯგუფურ ეტაპზე შთამბეჭდავად გამოიყურებიან. გარდა მოგებებისა უნდა აღინიშნოს, რომ იკერ კასილასი კარს მშრალად ინახავს. პირველი მატჩი "ბლანკოსმა" ზაგრებში ადგილობრივ "დინამოსთან" ჩაატარა და დი მარის გოლის წყალობით მინიმალური სხვაობით დაამრცხა. შემდეგ "აიაქსს" სძლია 3-0 "ბერნაბეუზე" რონალდოს, კაკასა და ბენზემას გოლების წყალობით. ბოლოს კი ისევ მადრიდში "მერენგებმა" ლიონის "ოლიმპიკი" გაანადგურეს. თითო-თითო გოლი ბენზემამ, ხედირამ და რამოსმა გაიტანეს, ხოლო ერთიც ლორისმა ჩაჭრა საკუთარ კარში ოზილის დარტყმის შემდეგ.