ფრანგული ლიონის ფორვარდმა გომისმა, ჟურნალისტებთან ინტერვიუში განაცხადა, რომ 4-0 მარცხი მთელ გუნდს ცუდად აქვს დამახსოვრებული და საშინაო კედლებში რევანშის დროა...

"მეოთხე ტურში ბევრი რამ გადაწყდება, ჩვენ ყველაფერს გავაკეთებთ სამი ქულის მოსაპოვებლად, რადგან ჯგუფიდან გასვლა გვსურს, აუცილებელია მაქსიმალური კონცენტრაცია და მოგებისთვის ბრძოლა."

"ვგონებ, სამეფო კლუბი დიდ ძალას ფლობს, მაგრამ არაერთხელ დაგვიმტკიცებია, რომ მათი დამარცხება სავსებით შესაძლებელია."

"არ ვამბობ, რომ ჩვენ ესპანელებზე ძლიერები ვართ, მაგრამ საჭიროა თავდადება და სწორი ტაქტიკური თამაში. ჟოზე მოურინიოს გუნდები პირველ რიგში ტაქტიკურ ორთაბრძოლებს იგებენ, ამ ასპექტში წარმატების მოპოვების შემთხვევაში, გამარჯვების დიდი შანსი გვექნება, რაც ჩვენ შანსებს კიდევ უფრო გაზრდის."

"საშინაო არენაზე გულშემატკივრების იმედი გვაქვს და მათთან ერთად გამარჯვების ზეიმს ვაპირებთ."