გამოცემა "ას"-ის ინფორმაციით, მომავალ პარასკევს პორტუგალიელი მეგა-ვარსკვლავი კუთვნილ "ოქროს ბუცს" მიიღებს.

როგორც მოგეხსენებათ, აღნიშნული ჯილდო გადაეცემა ფეხბურთელებს, რომელიც ევროპის ქვეყნების ჩემპიონატში ყველაზე მეტ გოლს გაიტანს.ასეთად კი, 2011 წელს რონალდუ მოგვევლინა, რომელმაც გასულ სეზონში ლა ლიგაზე 40 გოლი მიითვალა და შესაბამისად, მოიპოვა 80 ქულა, რომელიც უბადლოა (ეს რონისთვის რიგით მეორე "ოქროს ბუცია."პირველის მოპოვება, მან 2008 წელს, "მანჩესტერის" რიგებში მოახერხა, როდესაც 31 გოლი გაიტანა).

რაც შეეხება "ვერცხლის ბუცს," ის მესიმ მოიგო - 31 გოლით, ხოლო "ბრინჯაოს ბუცებს" კი, მარიო გომესი და დი ნატალე იყოფენ 28-28 გოლით.

ცნობისათვის, დაჯილდოვების ცერემონია მადრიდის ერთ-ერთ სასტუმროში გაიმართება, რომელსაც პორტუგალიელი ფეხბურთელის ოჯახის წევრები და მადრიდელი ფეხბურთელები დაესწრებიან.