ბოლო დროს, ესტებან გრანეროს ირგვლივ დიდი მითქმა-მოთქმაა ატეხილი.

ესპანური საფეხბურთო გამოცემები მიიჩნევენ, რომ ახალგაზრდა ფეხბურთელის დღეები დათვლილია სამეფო კლუბში.ალბათ, მსგავსი აზრი მას შემდეგ გაჩნდა, რაც არაერთმა კლუბმა მიმართა "ბლანკოსს" "ელ პირატის" შესახებ.

რამდენიმე დღის წინ, გაუწყეთ, რომ მალაგელები ინტერესდებოდნენ კანტერანოსის შეძენით, ხოლო ახლა კი, ფეხბურთელს გაცილებით სერიოზული მსურველი ჰყავს, ლონდონის "არსენალის" სახით."მარკას" ცნობით, მიმდინარე კვირის დასაწყისში, "მეთოფეთა" წარმომადგენლებმა შეხვედრა გამართეს მიგელ პარდესასთან. თუმცა, რთულია იმის თქმა, რა მოილაპარაკეს მხარეებმა.

ალბათ, ინგლისელების ესტებანისადმი ინტერესი გასაკვირი არცაა, რამეთუ ვენგერის შეგირდები სავალალო მდგომარეობაში არიან.ფაბრეგასისა და ნასრის წასვლის შემდეგ, გუნდი ძველებურად ვეღარ გამოიყურება.

ჩემი აზრით, ნაკლებად სავარაუდოა "პირატის" წასვლა ზამთრის სატრანსფერო ფანჯარაზე, გამომდინარე იქედან, რომ მოურინიოს არ უვყარს, როდესაც ფეხბურთელი შუა სეზონში ტოვებს კლუბს.