ყველაფერი 2009-2010 სეზონის მიწურულს დაიწყო. მაშინ კრიშტიანო რონალდომ "მალიორკასთან" შეასრულა ჰეტ-ტრიკი. როგორც იცით განვლილ სეზონში პორტუგალიელმა 40 გოლის გატანა შეძლო, აქედან კი 6 მატჩში მეტოქის კარი სამჯერ აიღო, ამით მან ლანგარასა და რომარიოს რეკორდი დაამხო. რონალდომ მიმდინარე სეზონიც წარმატებულად დაიწყო, ჯერ მან "სარაგოსასთან" შეასრულა ჰეტ-ტრიკი, ხოლო ორიოდე დღის წინ "მალაგასთან".

მართალია რონალდო სეზონის მხრივ საუკეთესოა "რეალის" ისტორიაში, თუმცა საერთო ჯამში რეკორდსმენი სეატა გახლავთ, მან "ლა ლიგაში" 22 ჰეტ-ტრიკის შესრულება შეძლო. მან ეს 8 სეზონში მოახერხა. მეორე ადგილს კი პუშქაში იკავებს 12 ჰეტ-ტრიკით.