"მონადირე კატად" წოდებული, "მადრიდის რეალისა" და საფრანგეთის ეროვნული ნაკრების "სნაიპერი", ქარიმ ბენზემა "ას"_ის ჟურნალისტებთან საუბრისას აცხადებს, რომ იგი ამჟამად შესანიშნავ ფორმაში იმყოფება. იგი მოწადინებულია რაც შეიძლება მეტი გოლი გაიტანოს ამ სეზონში და გუნდს წარმატებაში დაეხმაროს. აქვე დასძენს, რომ მოუს შეუძლია არჩევანი არა ერთ, არამედ ორ თავდამსხმელზე გააკეთოს. "მართალია გუნდში დიდი კონკურენციაა, მაგრამ ეს კარგიცაა ფეხბურთელებისათვის. უფრო მეტია მოტივაცია. რაც შეეხება გონსალოს ის საუკეთესო ფორმაშია და შესანიშნავ თამაშებს გვიჩვენებს. ჩვენ ერთმანეთს კარგად ვუგებთ მოედანზე, ასე რომ სრულიად შესაძლებელია წყვილში ვითამაშოდ. მე ამისთვის მზად ვარ. რაც შეეხება კონკურენციას, "რეალში" ეს ყოველთვის იქნება, რამეთუ ყველას სურს თეთრი მაისურით მოედანზე გასვლა"_განაცხადა ბენზემამ.
შეცვლის თუ არა შემადგენლობას მოუ და ვიხილავთ თუ არა მათ დუეტს მოედანზე, ამას უკვე მომავალი გვიჩვენებს!


წყარო: As.com