"მადრიდელებმა გამანადგურებელი ანგარიშით დაგვამარცხეს. ჩვენ არ ვითამაშეთ ისე, როგორც ეს ძლიერ კლუბს შეეფერება, რაც უშუალოდ შედეგზე აისახა. მადრიდის "რეალი" დიდხანს აკონტროლებმა ბურთს, სწორედ ამიტომ ვერ ვახერხებდით შეტევების გააზრებულად ორგანიზებას. ტემპი იყო საკმაოდ მაღალი, ეს კი გაცილებით უკეთ მადრიდელებმა გამოყენეს".

"ჟოზე მოურინიოს შეგირდები გაცილებით უკეთ მოემზადნენ ამ მატჩისთვის, ვიდრე ჩემი შეგირდები. მარცხი უპირველესყოვლისა მწვრთნელის ბრალია, ხოლო შემდეგ პასუხისმგებლობა ფეხბურთელებზე გადადის. ვგონებ, რომ "სამეფო" კლუბი ჩემპიონთა ლიგის ტიტულის მოგების ერთ–ერთი ყველაზე რეალური კანდიდატია. მადრიდელებს ძალიან ძლიერი გუნდი ჰყავთ, თუნდაც მათი სათადარიგო სკამი. ჟოზე მოურინიოს რეზერვში ყოველთვის არიან ისეთი ფეხბურთელები, რომლებსაც შეუძლიათ შეხვედრის ბედის გადაწყვეტა".

აქვე გეტყვით იმასაც, რომ მადრიდის "რეალმა" სამი შეხვედრიდან ყველა მოიგო და 9 ქულის მოპოვება შესძლო. "თეთრები" D ჯგუფის ერთპიროვნული ლიდერები არიან და მეორე ადგილოსან გუნდებს "ლიონსა" და "აიაქსს" 5 ქულით უსწრებს.


Goal.com