”ლიონთან” გასამართი შეხვედრის წინ, იკერ კასილიასმა, ტრადიციულ პრესკონფერენციაზე მედიის წარმომადგენლების კითხვებს უპასუხა.

”გასულ სეზონში ნახევარფინალში გავედით, რაც ნორმალური შედეგია, თუ გავითვალისწინებთ იმას, რომ წლების განმავლობაში მერვედ ფინალს ვერ ვსცდებოდით.ფრანგებს უპირატესობა აქვთ ჩვენთან ურთიერთშეხვედრებში, მაგრამ შარშან დავამარცხეთ ისინი.”ლიონში” ყოველ წელს იცვლება შემადგენლობა, თუმცა აღსანიშნავია, რომ ყოველთვის ხარისხიანი ფეხბურთელებით ხდება გუნდის შევსება.ვგონებ, ორივე მატჩში წარმატება, მნიშვნელოვანი ნაბიჯი იქნება ჩვენთვის.”

”სამეფო კლუბში მეკარეები მშვიდად ვგრძნობთ თავს, რამეთუ ჩვენს წინ საიმედო დამცველები არიან.ჩვენ გვყავს როგორც ახალგაზრდა, ასევე ვეტერანი მცველები.რამოსი ბრწყინვალეა.მას ნებისმიერ წერტილში ერთნაირ დონეზე შეუძლია თამაში.”

”იგუაინი შეუდარებელია.მისი მიზანი მხოლოდამხოლოდ გოლის გატანაა.არ შეიძლება ბენზემას დავიწყება, რომელიც ასევე გამტანი და ასისტენტია.მოხარული ვარ, რომ ასეთი ფორვარდები ირიცხებიან ”რეალში.””

”არანაირი პრობლემა არ მაქვს ქომაგებთან.ისინი ისე მიჭერენ მხარს, როგორც ამას ”გალაქტიკოს” პერიოდში აკეთებდნენ.”