როგორც იცით, დღევანდელი დღე მთლიანად სანაკრებო ბატალიებს დაეთმო.

ესპანეთის ეროვნულმა გუნდმა, გასვლით შეხვედრაში 0-2 დაამარცხა ჩეხეთის გუნდი.აღსანიშნავია, რომ "ფურია როხას" სასტარტო შემადგენლობაში ზედიზედ 5 მადრიდელი გამოჩნდა: კასილიასი, რამოსი, ალბიოლი, არბელოა და ალონსო, თუმცა ჩაბიმ და სერხიომ თამაში ვერ დაასრულეს.ბასკმა ერთ-ერთ ორთაბრძოლაში მძიმე დარტყმა მიიღო მოწინააღმდეგე ფეხბურთელისაგან, რის შემდეგაც მისი შეცვლა გახდა საჭირო.რაც შეეხება ანდალუსიელს, ის 45-ე წუთზე გაიყვანეს მოედნიდან (სავარაუდოდ, დელ ბოსკეს გადაწყვეტილების გამო).
აქვე შეგახსენებთ, რომ "წითლებმა" "რეალის" კანტერანოსის, მატასი და ჩაბი ალონსოს გოლებით მოიგეს.

მორიგი 3 ქულა მოიპოვა გერმანიის ნაკრებმაც, რომელიც თურქეთს დაუპირისპირდა.ნიშანდობლივია, რომ აღნიშნულ შეხვედრაში, მადრიდელი ფეხბურთელები დაუპირისპირდნენ ერთმანეთს, საუბარია, ალტინტოპსა და ხედირას დუელზე."მარკას" ინფორმაციით, იოზილმა დაზიანების გამო ვერ მიიღო მონაწილეობა სტამბულის თამაშში.ჯამში, ლიოვის გუნდმა 1-3 ძლია მეტოქეს.

და ბოლოს, გამარჯვება მოიპოვეს საფრანგეთის 21 წლამდელებმაც, რომელთა რიგებში რაფაელ ვარანე გამოდის.ახალგაზრდა "მამლებმა" შინაურ კედლებში 2-0 დაამწუხრეს ყაზახები.