მადრიდის "რეალის" ყოფილმა მოთამაშემ, ფერნანდო გაგომ ჟურნალისტებს ინტერვიუ მისცა. არგენტინელმა მოთამაშემ განაცხადა, რომ არასდროს არ მოუნდება "ბლანკოსის" წინააღმდეგ თამაში, რადგან მადრიდში მან შესანიშნავი წლები დაჰყო...

"ახლა რომაში ვთამაშობ და გახარებული ვარ, იტალიაში თავს კარგად ვგრძნობ და ადაპტაცია უცებ გავიარე, რომაელებმა ბრწყინვალედ მიმიღეს და თითოეული მოთამაშე მხარში მიდგას."

"სამეფო კლუბი და რომაული გრანდი არაერთხელ შეხვედრილან ერთმანეთს, კარგად მახსოვს შეხვედრები იტალიელებთან მაშინ, როდესაც "ბლანკოსის" ღირსებას ვიცავდი, დარწმუნებული ვარ კიდევ მოხდება ამ ორი გუნდის დაპირისპირება, მაგრამ იმედს გამოვთქვამ, რომ იმ შეხვედრაში მონაწილეობას არ მივიღებ, რადგან "მერენგების" წინააღმდეგ თამაში ჩემთვის რთული იქნება, მე იქ შესანიშნავი წლები გავატარე, რომელიც არასდროს დამავიწყდება."