გამოცემა "ას"-ის ინფორმაციით, ნური შაჰინმა მუხლის ტრავმა მოიშუშა.

23 წლის ფეხბურთელის მკურნალობის პროცესი წარმატებით დასრულდა.ახლა, თურქი მოთამაშე ფუნქციონალურ აღდეგინით ვარჯიშებს დაიწყებს მთავარ გუნდთან ერთად და სავარაუდოდ, უახლოეს მომავალში რომელიმე მატჩის განაცხადშიც მოხდება.აღნიშნულ შემთხვევაში, მოურინიო არ გარისკავს და ნახევარმცველს მაშინ მისცემს თამაშის საშუალებას, როდესაც სრულად აღიდგენს სათამაშო ფორმას.

შეგახსენებთ, რომ ნური სამეფო კლუბმა 10 მილიონ ევროდ შეიძინა დორტმუნდის "ბორუსიიდან."ჟურნალისტები მიიჩნევენ, რომ ახალგაზრდა გამთამაშებელი მადრიდელებმა არა ალონსოს მეწყვილედ, არამედ ალონსოს შემცვლელად შეიძინეს.

ნიშანდობლივია, რომ შაჰინი, ბუნდეს ლიგის გასული წლის საუკეთესო მოთამაშედ დაასახელეს.ასევე, ის პირველ პოზიციაზე გავიდა "ფიფას" გამოკითხვაში, რომელიც ყველაზე პერსპექტიულ ახალგაზრდა მოთამაშეებს შეეხებოდა.