მოგეხსენებათ, სამეფო კლუბის გერმანელი ნახევარმცველი, სამი ხედირა ახლა „ბუნდესნაკრებთან“ ერთად იმყოფება და სანაკრებო ბატალიებისთვის ემზადება. ასევე თქვენთვის კარგად არის ცნობილი, რომ სამის შეძენით მიუხენის ბაიერნი ინტერესდება და ზამთარში ესპანურ მხარესთან მოლაპარაკებებს გეგმავს, ამ თემასთან დაკავშირებით ხედირამ ჟურნალისტებს ინტერვიუ მისცა.

"სამშობლოში თავს ძალიან კარგად ვგრძნობ, მიხარია, რომ გერმანელ ხალხს ვუყურებ, აქ ძალიან თავისუფლად ვარ და ოდესღაც აუცილებლად დავბრუნდები, მაგრამ ამჟამად მადრიდის „რეალის“ მოთამაშე ვარ და არსად წასვლას არ ვაპირებ. ვასპარეზობ ბრწყინვალე გუნდში, სადაც შესანიშნავი ფეხბურთელები არიან, ასევე არის მეგობრული ატმოსფერო, რომელსაც მსოფლიოს საუკეთესო მწვრთნელი, ჟოზე მოურინიო ქმნის."

"მოხარული ვარ მიუხენური გიგანტის ინტერესით, არასდროს დაინტერესდება შენით ისეთი გუნდი, როგორიც ბაიერნია, თუ მაღალი დონის მოთამაშე არ ხარ, ეს ჩემთვის დიდი სტიმულია, მაგრამ ამ ეტაპზე ნამდვილად არ მსურს თეთრი მაისურის გახდა."