როგორც ჩანს, რაულ ალბიოლის მოედანზე ყოფნა ესპანეთის ნაკრებისთვის წარმატების გარანტიაა. ფეხბურთელმა ეროვნულ გუნდში 16 შეხვედრა ჩაატარა, მათგან 16-ივე ესპანელებმა მოიგეს.

რაულის დებიუტი ეროვნულ გუნდში 2007 წლის 13 ოქტომბერს შედგა, დანიის ნაკრების წინააღმდეგ. მატჩი ორჰუსში გაიმართა და ის სტუმრებმა 1-3 მოიგეს. 2008 წლის 14 ივნისს, უკვე ევროპის ჩემპიონატზე, შვედეთის წინააღმდეგ გამართულ შეხვედრაში, ალბიოლმა კარლეს პუიოლი შეცვალა. არაგონესის შეგირდებმა კი, შვედები 2-1 ზე დაამარცხეს. ასეთივე ანგარიშით დასრულდა ჯგუფური ეტაპის ბოლო შეხვედრა ესპანეთისა და საბერძენთის ნაკრებების წინაღმდეგ, კვლავ პირენეელთა გამარჯვებით, - ალბიოლმა ელადელებთან შეხვედრა სრულად ჩაატარა.

2009 წელს, კონფედერაციის თასზე, ალბიოლმა 3 შეხვედრაში იასპარეზა სასტარტო შემადგენლობაში. ესპანელებმა სამივე მათგანი მოიგეს, - ორჯერ სამხრეთ აფრიკასთან, ერთხელ კი ზელანდიასთან.

ინფორმაციის წყარო: RealMadrid.Com