"რეალის" ვიცე–კაპიტანმა გუტიმ განაცხადა, რომ მანუელ პელეგრინიმ დაარწმუნა ის დარჩენილიყო "ბლანკოსში".

"რეალის" ვეტერანმა ხოსე მარია გუტიერეს ერნანდესმა, იგივე გუტიმ განაცხადა, რომ მშობლიურ კლუბში დარჩენაში დიდი წვლილი ითამაშა ჩილელმა სპეციალისტმა. სწორედ პელეგრინიმ დაარწმუნა ის არ დაეტოვებინა მადრიდული კლუბი.

გუტის "სამეფო კლუბში" დებიუტი 1995 წელს ჰქონდა და მას შემდეგ მან 477 მატჩი ჩაატარა. მან მოიგო სამი ჩემპიონთა ლიგა, ოთხი ლა ლიგა. გამოცემა As-თან "რეალის" ვიცე–კაპიტანმა განაცხადა, რომ ამ ზაფხულს ახლოს იყო კლუბის დატოვებასთან.

"მე სხვა კლუბებისგან მქონდა შემოთავაზება, მაგრამ პელეგრინი მუდამ გვერდში მედგა და გადამაწყვეტინა დავრჩენილიყავი მშობლიურ კლუბში. მან მითხრა, რომ ჩემთვის მუდამ იქნებოდა ადგილი სასტარტო შემადგენლობაში" – აცხადებს გუტი.

"მქონდა შემოთავაზებები ინგლისიდან, საბერძნეთიდან, არაბეთიდან და ესპანეთიდან. მე მოსაფიქრებლად დრო ვითხოვე. დარჩენის შანსი 50% იყო, წასვლისაც 50%. მე ავირჩიე ჩემთვის საუკეთესო ვარიანტი და დავრჩი "რეალში" – განაცხადა "რეალის" ვიცე–კაპიტანმა.


ინფორმაციის წყარო: Goal.com