მოურინიოს შეგირდები დღეს კიდევ ერთხელ შეიკრიბნენ "ვალდებებასის" საწვრთნელ ბაზაზე და მორიგი ვარჯიში გამართეს. ესპანელები ხვალინდელი დღისთვის ემზადებიან, "ბლანკოსის" მოთამაშეებს სანტიაგო "ბერნაბეუზე" ამსტერდამელთა დამარცხება და 3 ქულის მოპოვება სურთ.

ვარჯიშზე მთავარი სიახლე ის იყო, რომ რიკარდო კარვალიომ სრული დატვირთვით შეძლო მომზადება, პორტუგალიელ მცველს პრობლემები აღარ აქვს და მონდომებით ვარჯიშობს.

ზაგრების დინამოსთან გამარჯვების შემდეგ, სამეფო კლუბი ჯგუფში მოწინავე პოზიციაზე იმყოფება და სიტუაციის კიდევ უფრო გაუმჯობესება სურს, რაშიც ამსტერდამელებთან გამარჯვება დაეხმარება.

მომზადების დროს გუნდი 3 ჯგუფად დაიყო, თითოეული კოლექტივი სხვადასხვა სახის ვარჯიშებს ატარებდა.

იკერ კასილასი, ანტონიო ადანი და თომას მეხიასი მეკარეების მწვრთელთან ერთად ირჯებოდნენ.