ძალიან საინტერესო და რეალობას ძალიან მოკლებული ინფორმაცია გავრცელდა დღეს.

დღეს პორტუგალიურ ჟურნალ-გაზეთებში დაიწერა სენსაციური ინფორმაცია იმის შესახებ, რომ პორტოს სურს დაიბრუნოს პეპე, რომელიც მადრიდის რეალის ღირსებას იცავს. გაპორტუგალიელებული ბრაზილიელი მადრიდში 2 წლის წინ გადაბარგდა და კარიერაც კარგად აიწყო, მან სამეფო კლუბის ძირითად შემადგენლობაში მოიპოვა ადგილი და ყოველთვის სტაბილურად გამოიყურებოდა.

ცნობილია, რომ პორტუგალიურ კლუბს ამ ზაფხულს ბრუნო ალვეში დატოვებს, რომელიც პორტოს დაცვის ბურჯია. პორტუგალიელებს სურთ, რომ ეს დანაკლისი აღმოფხვრან და პეპე კვლავ დააბრუნონ კლუბში. გავრცელდა თანხაც , რომელსაც პორტო გადაიხდის ფეხბურთელის სანაცვლოდ, ეს თანხა გახლავთ 33 მილიონი ევრო.

არის მეორე ვარიანტიც. მოგეხსენებათ მადრიდის რეალს ბრუნო ალვეშის შეძენა სურს , ამიტომ არ არის გამორიცხული ამ ფეხბურთელების გაცვლა მოხდეს და ბრუნო რეალში ხოლო პეპე პორტოში აღმოჩნდეს, მაგრამ ნაკლებად სავარაუდოა, რომ ,,ბლაკოსი” შეელიოს გუნდის საუკეთესო მცველს.