მოუ Braun-ის სახე გახდა
"მადრიდის რეალის" მთავარი მწვრთნელი ჟოზე მოურინიო კომპანია ბრაუნის სახე გახდა. როგორც გამომცემლობა The Marketing Week იუწყება, პორტუგალიელს სატელევიზიო რეკლამებში გადაიღებენ, ასევე ჟურნალ–გაზეთებში განთავსდება სარეკლამო პოსტერები მისი მონაწილეობით.. სარეკლამო კამპანიის წარმოებაში ჩაშვება ოქტომბრის თვეში იგეგმება.
თავად მოუმ განაცხადა, რომ რეკლამაში მხოლოდ ფულის გამო არ მიიღებს მონაწილეობას. მთავარი მწვრთნელის განცხადებით, ის მხოლოდ იმ შემთხვევაში დათანხმდება რეკლამაში გადაღებას, თუ მას ეს ბრენდი მოსწონს. მოურინიომ ასევე დაამატა, რომ ბრაუნთან თანამშრომლობას საკუთარი იმიჯისთვის წარმატებულ ნაბიჯად თვლის.
თავის მხრივ, ბრაუნი აღნიშნავს, რომ მოურინიო უნიკაურ სტილს ფლობს, არის გამოხატული ინდივიდუალისტი და ფლობს ასევე ლიდერის ფუნქციებს და უნარ–ჩვევებს.
ბრაუნი ეკუთვნის კომპანია პროქტერ&გემბელს. თებერვალში ამ ბრენდს 90 წელი შეუსრულდება, ამასთან დაკავშირებით იგეგმება მასშტაბური სარეკლამო კამპანიის წარმოება. თავის დროზე ბრაუნის ეპილატორების სახეები იყვნენ მოდელი დეიზი ლოუ. მანამდე მას რეკლამირებას უწევდა ჰაიდი კლუმი.
- 24 სექტემბერი 2011
- 2 366
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
