"რეალის" ბრაზილიელმა ლეგიონერმა მარსელომ, "Bwin.com"-თან ჩაწერა ინტერვიუ.

"ნებისმიერი გუნდი ბოლომდე იბრძვის სამეფო კლუბის წინააღმდეგ."რაიო ვალეკანოსთან" რთული შეხვედრა გველის, მაგრამ ყველანაირად შევეცდებით გამარჯვების მოპოვებას.პრიმერა გრძელი ტურნირია და მისი დაუფლებისათვის თავდაუზოგავი შრომაა საჭირო."

"მადრიდში კიდევ არა ერთი სეზონის გატარება მსურს.მინდა, რომ წარმატებული ვიყო და ბევრი ტიტული მოვიგო "რეალთან" ერთად.ყოველთვის ვცდილობ ძალები არ დავზოგო, როგორც თამაშებზე, ასევე ვარჯიშებზე.ჩვენ დიდი გამარჯვების მისაღწევად ყველა რესურსი გაგვაჩნია."

"რონალდუ უდავოდ ბრწყინვალე იყო გასულ სეზონში.ის ისტორიას ქმნის კლუბში.მჯერა, რომ რონი ამით არ დაკმაყოფილდება და კიდევ უფრო მაღალ მწვერვალებს დაიპყრობს."

"ხვალინდელ თამაშში ვეცდები გოლი გავიტანო და მივუძღვნა შვილს, რომელსაც დაბადების დღე აქვს."