"ხუვენილ ბ"-ს მარკოს ლეგაზი და "ხუვენილ ც"-ს ფრან გაიტანი ესპანეთის 17 წლამდელთა ნაკრებში გამოიძახეს. ესპანეთის ნაკრები მონტენეგროში გაემგზავრება და 18-დან 24 ოქტომბრის ჩათვლით 3 შეხვედრას გამართავს ევროპის ჩემპიონატის საკვალიპიკაციო ეტაპის ეგიდით. 19-ში "ფურია როხა" მასპინძელ მონტენეგროს დაუპირისპირდება, 21-ში მალტას, ხოლო 24-ში პოლონეთს. საუკეთესო ორი ელიტ რაუნდში გადაინაცვლებს. ევროპის 17 წლამდელთა ჩემპიონატი 2012 წელს სლოვენიაში ჩატარდება.