ინსიტუციონალური ურთიერთობების დირექტორი, ემილიო ბუტრაგენიო, გახარებული იყო "სანტიაგო ბერნაბეუზე" "ხეტაფეს" დამარცხებით.

"მინდა აღვნიშნო, რომ ჩვენი შეტევითი ხაზი, საკმაოდ სოლიდურია."ხეტაფე" ორგანიზებული გუნდია, რაც კარგად გამოჩნდა "ბერნაბეუზე." თანაქალაქელებმა პრობლემები შეგვიქმნეს.მჯერა, რომ პრიმერაში ბევრი ხარისხიანი გუნდი ასპარეზობს."

"ნიშანდობლივია, რომ შემადგენლობიდან რამდენიმე მოთამაშე სანაკრებო ბატალიებში იყო ჩართული, რამაც თავისი კვალი დატოვა დღევანდელ შეხვედრაზეც.კარგად ვიცით, თუ როგორ ჭირს თამაშების მოგება სანაკრებო პაუზების შემდეგ."

"გატანილი გოლებიდან გამოვარჩევდი ბენზემას პირველ გასროლილს.მართლაც რომ ლამაზი კომბინაცია გამოვიდა.ასევე, ქების ღირსია ფრანგის მეორე გოლიც, რომელშიც ლომის წვლილი მიუძღვის რონალდუს."

"მადრიდიზმი მოუთმენლად ელოდება იმ დღეს, როდესაც "რეალი" დაეუფლება ჩემპიონთა ლიგის მეათე ტიტულს.აღნიშნული ტურნირის სტარტზე, პაექრობა მოგვიწევს მგზნებარე გუნდებთან.საჭიროა, თითოეული შეხვედრის მოგება."