მადრიდის "რეალმა" ლა ლიგაში ხუთი მატჩი ჩაატარა და ქულათა მაქსიმუმი აიღო. აღსანიშნავია ისიც, რომ სამეფო კლუბის მეკარემ, იკერ კასილასმა ამ ხუთ მატჩში მხოლოდ ორი გოლი გაუშვა. კასილასს სურს მოიგოს ლეგენდარული მეკარის, ზამორა ტროპის ტიტული. იკერს 401 წუთის განმავლობაში საკუთარ კარში გოლი არ გაუშვია.

მადრიდის "რეალი" - "დეპორტივოს" დაპირისპირებაში ვალერონმა 47 წუთზე გაუტანა სამეფო გუნდის მეკარეს, თუმცა ამის შემდეგ კასილასს გოლი არ გაუშვია.

მანუელ პელეგრინის შეგირდებმა კარგად იციან, რომ მათ მაქსიმალურად უნდა გამოიყენონ მომენტები, გაიტანონ რაც შეიძლება მეტი გოლი და გაუშვან ნაკლები. სწორედ ასე მოხდა "ესპანიოლის", "ხერესის" და "ტენერიფეს" წინააღმდეგ მატჩებში.

იკერი ლა ლიგას საუკეთესო მეკარეებში პირველ ადგილზეა, ყველაზე ნაკლები გაშვებული გოლით. მას უკან მოჰყვებიან "სევილიას" მეკარე პალოპი და "ბარსელონას" გოლკიპერი ვიქტორ ვალდესი. მადრიდელთა მეკარეს ძალიან სურს კიდევ მოიპოვოს ზამორას ტიტული. მან ეს ტიტული უკანასკნელად 2007/08 წლის სეზონში მიიღო. კასილასმა 36 თამაშში გაუშვა 32 გოლი და თავის გუნდს ლა ლიგა მოაგებინა.

მადრიდის "რეალის" დაცვის ხაზი ძალიან გაძლიერდა მას შემდეგ, რაც გუნდს შეუერთდნენ პეპე და სერხიო რამოსი. აღსანიშნავია ისიც, რომ მანუელ პელეგრიმ პრესასთან საუბარში გამოკვეთილად თქვა, რომ დაცვას ყველაზე დიდ ყურადღებას მიაქცევს.

2007/08 წლების სეზონიში დამყარებული რეკორდის გასაუმჯობესებლად, იკერ კასილასმა კიდევ რამოდენიმე მატჩში მშრალად უნდა შეინახოს საკუთარი კარი(573 წუთი). უფრო ზუსტად კი ორი მატჩი და 173 წუთი.