მადრიდის "რეალის" ფლეიმეიქერმა, მესუთ ოზილმა სამეფო კლუბის ოფიციალურ საიტს ინტერვიუ მისცა...

"ძალიან მოხარული ვარ, რომ "სარაგოსასთან" კარგად ვითამაშე. მინდა, რომ მთელი სეზონის განმავლობაში ასე გამოვიყურებოდეთ მეც და ჩემი გუნდიც. სამწუხაროა, რომ ვერ შევძელით ესპანეთის სუპერთასის მოგება, თუმცა მთავარი ახლა იწყება. ლა ლიგა, ჩემპიონთა ლიგა და კოპა დელ რეი - ძალიან რთულად მოსაგები ტურნირებია, მაგრამ ჩვენ ბოლომდე ვიბრძოლებთ სამივე ტიტულის მოსაგებად".

"ჩვენ გავიარეთ შესანიშნავი წინასასეზონო მომზადება და ამ ზაფხულის შემდეგ, თავდაჯერებულობა შემემატა. ახლა, მზად ვარ, როგორც არასდროს და გპირდებით, რომ იმედებს არ გაგიცრუვებთ. "რეალში" თავს შესანიშნავად ვგრძნობ და აქ დიდი ხნით დავრჩები".

"რეალმა ბოლო წლებში ბევრი ტრანსფერი განახორციელა, თუმცა მინდა დაგარწმუნოთ, რომ ახლა ყველაზე ძლიერები ვართ ბოლო 3 წლის მანძილზე. ჩემი ოცნებაა ყველა ტიტულის მოგება" - დაასრულა ოზილმა.



წყარო:realmadrid.com