იკეს კასილასი–7,5: ბლანკოსების გოლკიპერმა პირველ ნახევარში ნინოს დარტყმა შესანიშნავად მოიგერია. მეორე ნახევარშიც წმინდა იკერმა, როგორც მას გულშემატკივრები უწოდებენ , რამდენიმე სეივი განახორციელა, რის გამოც ის სრულიად დამსახურებულად იღებს ამ შეფასებას.

სერხიო რამოსი–6,5: როგორც ყოველთვის აქტიურად ერთვებოდა შეტევებში და ცდილობდა დახმარებოდა თავდამსხმელებს, ნორმალურად გაართვა თავი საკუთარ როლს მარჯვენა მცველის პოზიციაზე, მაგრამ აშკარად ჩანდა, რომ სერხიოს კიდევ სჭირდება მუშაობა და მას ბოლომდე არ აქვს უწინდელი ფორმა დაბრუნებული.

პეპე–6,5: მიუხედავად იმისა, რომ პორტუგალიელი მცველი 10 მატჩიანი დისკვალიფიკაციიდან მხოლოდ გუშინ დაბრუნდა, მის თამაშზე ეს სერიოზულად არ ასახულა, იყო რამდენიმე შეცდომა, მაგრამ ვიმედოვნებთ, რომ ის მომავალში მათ გამოასწორებს.

რაულ ალბიოლი–7,0: ვალენსიის ყოფილი ფეხბურთელი, ამჯერადაც ყველაზე გამორჩეული იყო დაცვის ხაზში, ის თავს არ ზოგავდა ბლანკოსების რიგებში და მისმა თავდაუზოგავმა თამაშმა , ვერ შეაძლებინა მეტოქე გუნდის ფეხბურთელებს გოლის გატანა.

როსტონ დრენტე–6,5: ყველას გაუკვირდა ჰოლანდიელის სასტარტო შემადგენლობაში თამაში, მიუხედავად იმისა, რომ ის ხშირად ერთვებოდა შეტევებში და თავს არ ზოგავდა, მისი თამაში ისეთივე სახიფათო არ ყოფილა, როგორიც ბრაზილიელი მარსელოსი.

ხაბი ალონსო–7,0: ტრავმიდან დაბრუნებულის კვალობაზე ლივერპულის ყოფილი ფეხბურთელი შესანიშნავად გამოიყურებოდა, სწორედ ხაბის ჩაწოდებას მოყვა ბენზემას მიერ გატანილი გოლო.

ლასანა დიარა–7,0: ლასსმა, ვერ ვიტყვით ბრწყინვალედ, მაგრამ კარგად გაართვა თავი საკუთარ მოვალეობას, მიუხედავად იმისა, რომ პირველ ნახევარში რამდენიმე ჩავარდნა ქონდა, მისი თამაშის შედეგად ბლანკოსების დაცვის ხაზი სერიოზული საფრთხის წინაშე არ დამდგარა.

რაული–6,5: მადრიდის რეალის ცოცხალმა ლეგენდამ პირველ ნახევარში მეტოქის კარის დალაშქვრის კარგი შანსი გაუშვა ხელიდან, მაგრამ მიუხედავად ამისა, ის კვლავ რჩება ბევრი ბლანკოსისთვის მისაბაძ მაგალითად.

ესტებან გრანერო–5,5: იმედის მომცემი ნახევარმცველს შეგვიძლია ვთქვათ, რომ ამ დღეს თამაში ისე არ წაუვიდა, როგორც სურდა, რის გამოც ჩილელმა სპეციალისტმა ის მეორე ნახევარში შეცვალა.

კრიშტიანო რონალდუ–7,0: ბევრს ცდილობდა, მაგრამ ყველა ეპიზოდში მას ტენერიფეს გოლკიპერმა არაგონესმა აჯობა, რის გამოც მან ვერ მოახერხა აღებული სტარტის გაგრძელება.

კარიმ ბენზემა–8,0: შეგვიძლია ვთქვათ, რომ ეს ნამდვილად ფრანგი ფეხბურთელის საღამო იყო, მის მიერ გატანილმა ორმა გოლმა დაუდო საფუძველი ბლანკოსების გამარჯვებას. შეგახსენებთ, რომ ეს მესამე გოლი ბოლო ორ თამაშში, რომელიც ლიონის ყოფილმა ფეხბურთელმა გაიტანა.

შეცვლები:

კაკა–7,0: შეცვლაზე შემოსული ბრაზილიელი , როგორც ყოველთვის მადრიდის რეალის შეტევის სული და გული აღმოჩნდა. მან უფრო მეტი სიმწვავე შემატა ბლანკოსების თავდასხმებს და ბოლოს, 12 წუთით ადრე თავადაც მოახერხა მეტოქის კარის დალაშქვრა.

გუტი–6,0: ფეხბურთელმა შეცვალა სერხიო რამოის და ასე ვთქვათ, დაეხმარა კლუბს გამარჯვებაში.

მ. დიარა– ვერ ითამაშა.

წყარო: Goal.com