კრიშტიანო რონალდომ ლა ლიგის სადებიუტი შეხვედრაში ბრწყინვალედ ითამაშა და ჰეთ-თრიკის შესრულება შეძლო, ფეხბურთელი მოედანზე ნაყოფიერად გამოდის და გუნდს გატანილი გოლებით ეხმარება. პორტუგალიელმა მოთამაშემ პრიმერას ბოლო 5 მატჩში 14 გოლის გატანა მოახერხა...

შარშანდელი სეზონის მიწურულს რონალდომ 11-ჯერ მოახერხა მეტოქეთა კარის დალაშქვრა. ყველაფერი სევილიასთან შეხვედრით დაიწყო, როდესაც კრიშტიანომ პოკერი გაიფორმა, რეალმა კი ის შეხვედრა 2-6 მოიგო, შემდეგი მატჩი ხეტაფესთან გაიმართა, მადრიდელებმა თანაქალაქელები 4-0 გაანადგურეს, ხსენებულ შეხვედრაში რონიმ ჰეთ-თრიკის გაფორმება შეძლო, მესამე შეხვედრაში რონალდო დუბლს დასჯერდა, ის დაპირისპირება "ბლანკოსმა" "ვილიარეალს" მოუგო ანგარიშით 1-3, მეოთხე დაპირისპირება ალმერიასთან გაიმართა, სადაც პორტუგალიელმა წინა მატჩის შედეგი გაიმეორა და ორი გოლის გატანა მოახერხა, გუნდმა კი 8-1 გაიმარჯვა.

ახალი სეზონის დებიუტში კი პორტუგალიელმა 3 გოლი გაიტანა და ბოლო 5 შეხვედრაში 14 ბურთი დაუგროვდა, რონალდო განაგრძობს რეკორდების დამყარებას.