კაკამ და ალონსომ სარაგოსასთან თავი გამოიჩინეს და თითო-თითო გოლი გაიტანეს. მატჩის შემდეგ ფეხბურთელებმა ჟურნალისტებთან ისაუბრეს.

კაკა: "გახარებული ვარ გუნდის კარგი სტარტით, ჩვენთვის მნიშვნელოვანი იყო ჩემპიონატის გამარჯვებით დაწყება. ყოველთვის ვიძახდი, რომ მადრიდის რეალთან ერთად წარმატების მიღწევა მსურს. მოურინიომ მითხრა, რომ მენდობა. აუცილებლად გამოვიყენებ ყოველ შანსს, რომელსაც მწვრთნელი მომცემს. სიამოვნება მივიღეთ მატჩისგან და ახლა ყველანი ბედნიერები ვართ."

ალონსო: "ჩვენ გავაკეთეთ ის, რასაც ჩვენგან გულშემატკივარი ელოდა. ბრწყინვალე დასაწყისი იყო. სეზონის ბრწყინვალე დასაწყისია, რაც ძალიან გვახარებს. მადრიდის რეალისათვის ყოველთვის ბოლომდე დავიხარჯები. მართალია გოლი გავიტანე, მაგრამ მთავარი გუნდის წარმატებაა."