როგორც მოგეხსენებათ, ამ ზაფხულს, მადრიდის "რეალმა" დორტმუნდის "ბორუსიიდან" ნური შაჰინი შეიძინა, რომელზეც ყველა დიდ იმედებს ამყარებდა და ამყარებს კიდეც, თუმცა ხალხმა ვერა და ვერ იხილა მისი ასპარეზობა ფეხბურთელის ტრავმის გამო...

თავდაპირველად იყო ვარაუდები იმის შესახებ, რომ ნური 2-3 კვირაში მზად იქნებოდა, თუმცა ეს 2-3 კვირა რეალურად 46 დღე აღმოჩნდა. ჟოზე მოურინიო იმედოვნებდა, რომ თურქის დებიუტი ბერნაბეუს თასზე, "გალათასარაისთან" შედგებოდა, თუმცა ბუნდეს ლიგის საუკეთესო მოთამაშემ მაინც იგრძნო მუხლში ტკივილები.

ახლა კი, ლა ლიგის გრანდიოზული მარათონი იწყება და ნური ისევ ვერ მოხვდა განაცხადში. ძალიან საინტერესოა, თუ როდის მოეღება ბოლო ფეხბურთელის ტრავმიანობას და საბოლოოდ როდის წარსდგება იგი მადრიდული პუბლიკის წინაშე.


წყარო:as.com