მადრიდის "რეალი" სრულ მზადყოფნაშია "გალათასარაისთან" შესახვედრად. მადრიდისტებმა გუშინ ბოლო ვარჯიში გამართეს. შეგახსენებთ,რომ "ბერნაბეუს" თასის ფინალი დღეს გვიან ღამით გაიმართება 00:30 საათზე. ჟოზე მოურინიოს ამ მატჩისთვის 24 ფეხბურთელი ჰყავს სრულ მზადყოფნაში. განაცხადში პორტუგალიელ სპეციალისტს არ შეუყვანია არვალო არბელოა, სამი ხედირა და ჰამიტ ალტინტოპი. არბელოას მარჯვენა მუხლის ტრავმა აწუხებს, ხედირას გრიპი აქვს, ხოლო ალტინტოპზე ყველას კარგად მოგეხსენებათ.

24-დან 19 პირველი გუნდის წევრია, ხოლო 5 კანტერანო გახლავთ: ტომას მეხიასი, ალექსი, მორატა, ნაჩო და მენდესი. ოცდაოთხივე ფეხბურთელი გუშინ რუი ფარიამ ავარჯიშა. თავდაპირველად ისინი მოთელვით ვარჯიშებს აკეთებდნენ. ამის შემდეგ კი ძირითადად აქცენტი სისწრაფესა და ბურთის ფლობაზე გააკეთეს. ტრადიციულად მეკარეებს სილვინო ლოურო ავარჯიშებდა. მოგვიანებით მზადებას ჟოზე მოურინიოც შეუერთდა.