მადრიდის "რეალის" თურქი ახალწვეული, ნური შაჰინი, რომელმაც მთელი 1.5 თვე გაატარა თამაშის გარეშე ტრავმის გამო შეძლებს ითამაშოს "ბერნაბეუს" თასზე თურქული "გალათასარაის" წინააღმდეგ. ნურიმ ტრავმა ამერიკის ტურნის პირველივე დღეს მიიღო.

როგორც ყოველდღიური ესპანური გამოცემა "Marca" იტყობინება, ნურიმ ტრავმა სრულად მოირჩინა, სწორედ ამ ფაქტის გამო, "რეალის" თავკაცი, ჟოზე მოურინიო აპირებს "ბერნაბეუს" თასზე ის პირველივე წუთიდან ძირითად შემადგენლობაში ათამაშოს. მატჩი მადრიდის "რეალსა" და "გალათასარაის" შორის შედგება 24 აგვისტოს, გულშემატკივრებს კი საშუალება ექნებათ თეთრ მაისურში იხილონ გასული წლის "ბუნდესლიგის" საუკეთესო მოთამაშეს.

მოურინიოს შეეძლო ნურის გამოყენება ადრეც, თუმცა ის ტრავმის სრულად მოშუშებას დაელოდა. და, უკვე იმის ეჭვიც აღარ არსებობს, რომ შაჰინი "გალათასარაის" წინააღმდეგ ხაბი ალონსოსთან ერთად გაამაგრებს მოედნის ცენტრს.

სტატია მომზადებულია DefensaCentral.Com - ზე დაყრდნობით