მადრიდის "რეალის" მთავარმა მწვრთნელმა საზოგადო ბოდიში მოიხადა.

როგორც იცით, "ნოუ კამპზე" მოურინიომ, მატჩის მიწურულს ნერვები ვერ მოთოკა და ბარსელონას ერთერთ წარმომადგენელს - ტიტო ვალანოვას ყური აუწია. როცა ყველაფერი დასრულდა, ცივ გონებაზე, პორტუგალიელი მიხვდა მის შეცდომას და აღიარა, რომ არასწორად მოიქცა.

"ბოდიში მინდა მოვუხადო არამარტო ტიტოს, არამედ ყველა იმ ადამიანს ვინც ამ ეპიზოდს თვალს ადევნებდა. მე უდიდესი ისტორიის მქონე კლუბის მწვრთნელი ვარ და შესაბამისად, ასეთ გუნდში მსგავსი ქმედებები დაუშვებელია. ვიცი, ამ სიტყვებით ვერაფერს გამოვასწორებ, თუმცა დროს უკან დაბრუნება რომ შემეძლოს, სულ სხვანაირად მოვიქცეოდი." - განაცხადა მოურინიომ