კრიშტიანო რონალდომ და კარიმ ბენზემამ წინასასეზონო მომზადება ძალიან ნაყოფიერად განვლეს, ორივე ფეხბურთელის ანგარიშზე ჯამში 17 გოლია, აქედან კარიმ ბენზემამ 9-ჯერ მოახერხა მეტოქის დამწუხრება, ხოლო კრიშტიანომ 8-ჯერ, ამასთანავე აღსანიშნავია, რომ სულ სამეფო კლუბმა 31 გოლის გატანა შეძლო.

ფრანგი ფორვარდისთვის წინასასეზონო მომზადება შესანიშნავი გამოდგა, მან ყოველგვარ მოლოდინს გადააჭარბა, გარდა იმისა, რომ 9 გოლის გატანა მოახერხა, ასევე 6 საგოლე გადაცემა გაკეთ, მან მეტოქის კარი სამი ხედირას, მესუთ ოზილს, ხოსე კალეხონს და კრიშტიანო რონალდოს ააღებინა.

კრიშტიანო რონალდოსგან გოლების წვიმა უკვე აღარავის უკვირს, რადგან შარშანდელ სეზონში მან 40-ჯერ მოახერხა მეტოქე გუნდების დამწუხრება, იგი კვლავ ბრწყინვალე ფორმაში იმყოფება და მიმდინარე წინასასეზონო მომზადების დროს გატანილ 8 გოლთან ერთად, მის ანგარიშზე ერთი საგოლე გადაცემაც არის.