პეპე - ალვეშის წინააღმდეგ
"რეალის" და "ბარსელონას" შეხვედრები შეგვიძლია შევადაროთ მხოლოდ "ბარსელონასა" და "რეალს" შორის შეხვედრებს, რადგან დაპირისპირება სახელად "ელ კლასიკო" არ არის უბრალოდ ორი გრანდის შეხვედრა, ეს არის უფრო მეტი, ვიდრე საფეხბურთო მატჩი და ასეთი დაპირისპირება არ არსებობს სხვაგან...
ბოლო წლების განმავლობაში ძალიან ბევრი დაპირისპირება არსებობდა: რონალდო მესის წინააღმდეგ, მოურინიოს გვარდიოლას წინააღმდეგ და ა.შ.
ბოლო მატჩებიდან გამომდინარე, როგორც ჩანს ყველაფერი შეიცვალა. დღესდღეობით, ყველა აქტუალური დაპირისპირება გახდა პეპე - ალვეშის წინააღმდეგ, მაგრამ არა ფეხბურთის თამაშით.
vs
მოურინიომ 2010 წლის ნოემბრის "ელ კლასიკოს" მატჩის შემდეგ, თითქოს მოძებნა კატალონიელების დასამარცხებელი იარაღი - პეპე, რომელმაც პრაქტიკულად დაშალა ბარსელონას სისტემა, რის წყალობითაც "რეალმა" გაიმარჯვა სამეფო თასზე.
ამის შემდეგ, უკვე გვარდიოლას ჰქონდა საფიქრალი, თუ როგორ დაემარცხებინა, ვირუსი სახელად პეპე...
და ანტივირუსად მოგვევლინა დანიელ ალვეში, უფრო სწორად მისი სამსახიობო ტალანტი. ალვეშის გენიალური მსახიობობით ბარსელონამ ჩემპიონთა ლიგის ნახევარფინალში მოახერხა რეალის დამარცხება.
და ყველაფერი ასე უნდა დასრულებულიყო, მაგრამ სუპერთასის პირველ შეხვედრაში, ბრაზილიელმა ფეხბურთელმა ისევ გამოიყენა მისი სამსახიობო ტალანტი. სასიამოვნოა, რომ ამჯერად ალვეშს არაფერი გამოუვიდა. პეპეს ყვითელიც არ მისცეს, იმის მიუხედავად, რომ ვერავინ შეედავებოდა მსაჯს ამ გადაწყვეტილებაშიც.
როგორც ჩანს არსებობს ადამიანები, რომლებსაც ყველაფერი ახსოვთ. ახსოვთ თუ როგორ დაამარცხა ბარსელონამ რეალი ჩემპიონთა ლიგის ნახევარფინალში. და ისინი არ დაუშვებენ, რომ არასამართლიანობა კიდევ განმეორდეს.
ჩვენ კი მადრიდისტებო, იმედი ვიქონიოთ, რომ ობიექტური მსაჯები შეგვხვდება და სამართლიანად ვეცდებით მეტოქის დამარცხებას, თუ არ გამოგვივა, ღირსეულად მივიღებთ დამარცხებას, მაგრამ არა ისეთს, როგორიც 4 თვის წინ იყო.
- 16 აგვისტო 2011
- 3 841
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
