ცნობილი იტალიური საინფორმაციო საშუალება Sky SporT აქვეყნებს ინფორმაციას იმის შესახებ, რომ ადრიანო გალიანის უკვე მთლიანად გადაეწურა იმედი. რიკარდო კაკა მინიმუმ 1 წლის მანძილზე "ბლანკოსის" ღირსებას დაიცავს...

ბრაზილიელი მოთამაშის გადასაბირებლად მილანმა ყველაფერი გააკეთა, მაგრამ ჟოზე მოურინიო ფეხბურთელის გაშვების კატეგორიული წინააღმდეგია, რადგან თვლის, რომ სამეფო კლუბს მისი დონის მოთამაშე სჭირდება.

"ყველაფერი ვიღონეთ და ინტენსიური მოლაპარაკებებიც მიმდინარეობდა, მაგრამ კონსესუსს ვერ მივაღწიეთ, რადგან ორივე გუნდი სხვადასხვა პოზიციაზე დგას, რიკის შეძენას ამ ზაფხულს ნამდვილად ვერ მოვახერხებთ, იგი მინიმუმ 1 წელიწადს "ბლანკოსის" რიგებში გაატარებს." - განაცხადა ადრიანომ.

თავად ფეხბურთელს ამ საკითხთან დაკავშირებით არანაირი კომენტარი არ გაუკეთებია, მისგან ჟურნალისტებს მხოლოდ იმის გაგება შეუძლიათ, რომ რიკის თამაში სურს და ამისთვის ყველაფერს აკეთებს.