მადრიდის "რეალის" ყოფილმა ფეხბურთელმა, ბრაზილიელმა რობერტო კარლოსმა, მოახლოვებულ "ელ კლასიკოზე" ისაუბრა და განაცხადა, რომ მოუთმენლად ელის დღევანდელ დაპირისპირებას, რომელიც "ბერნაბეუზე" შედგება...

"წინ დიდი შეხვედრა გველის, ეს იქნება მატჩი, სადაც ორი ძალიან მაღალი დონის კლუბი იასპარეზებს, თამაში ბერნაბეუზე შედგება და ძალიან დიდი იმედი მაქვს იმისა, რომ დედაქალაქელები წარმატებას მიაღწევენ. საკუთარ კედლებში თამაში ყოველთვის საპასუხისმგებლო და სანერვიულოა, მაგრამ როდესაც ამდენი გულშემატკივარი მხარს გიჭერს, მოტივაცია კიდევ უფრო გემატება."

"ესპანელთა წინასასეზონო მომზადებას ხანდახან თვალს ვადევნებდი და თამამად შემიძლია ვთქვა, რომ გუნდი ოპტიმალურ ფორმასთან ახლოს არის, ჟოზე მოურინიოს შეგირდებს ნამდვილად შეუძლიათ კატალონიელთა დამარცხება და თასის მოპოვება, მთავარი მხოლოდ მონდომება იქნება."