ჟოზე მოურინიო პრესის წინაშე წარსდგა და ხვალინდელ მატჩზე ისაუბრა. პორტუგალიელმა განაცხადა, რომ რამოსი და ბენზემა აუცილებლად ითამაშებენ ძირითადში, გასარკვევია მხოლოდ, დი მარია ითამაშებს ძირითადში, თუ კოენტრაო. ''სუპერ თასი არის ყველაზე მნიშვნელოვანი საზაფხულო ტურნირი და ჩვენ ძალიან გვსურს გამარჯვება. სუპერ თასის მოგება დადებითად წაადგება გუნდს, რაც აისახება სეზონის წარმატებაზე, მიუხედავად ამისა ვთვლი, რომ სუპერ კოპა ჩამოუვარდება რანგით სხვა დიდ ტურნირებს.''

მაურინიოს ჰკითხეს თუ როგორ მოემზადა მატჩისთვის. რაზეც პორტუგალიელმა ამომწურავი პასუხი გასცა : '' ჩვენ ჩავატარეთ 26 ნახევარსაათიანი პროდუქტიული ვარჯიში, 7 საათნახევრიანი ამხანაგური მატჩი. დღევანდელი წვრთნა კონტექსტიდან იქნება ამოვარდნილი. ჩვენ ვემზადებოდით სუპერ თასისთვის, ისევე როგორც სეზონისთვის. ჩვენთვის მთავარია სეზონი იყოს წარმატებული, რისთვისაც ყველაფერს გავაკეთებთ.''

'' მე განზრახული მაქვს, რომ არ გავუშვა გუნდისთვის მნიშვნელოვანი ფეხბურთელები და არც არავის მოყვანას აღარ ვაპირებ. ჩვენ გვყავს მრავალმხრივი ფეხბურთელები, რაც ძალზედ მნიშვნელოვანია. მე მჯერა გუნდის, მათ კი, ჩემი. დღევანდელი კასტილიელები უფრო პერსპექტიულები არიან, ვიდრე ეს იყო ადრე. ჩვენ შეგვიძლია მომავალი მათზე დავაფუძნოთ. ''

''გუნდმა უზომოდ დიდი გზა გაიარა ა.შ.შ – სა და ჩინეთში მოგზაურობის შემდეგ. მადრიდში დაბრუნება კი შვებას ჰგვრის ყველას, კარგია სახლში ყოფნა.''


ჟოზე მოურინიოს ჩემპიონტთა ლიგაზე დაუსვეს შეკითხვა

''ჩემპიონთა ლიგაზე არ ვაპირებ საუბარს, რადგან დასჯილი ვარ. უეფამ შემზარავი გადაწყვეტილება გამოიტანა, რაც დამაფიქრებელია. ''


ჟოზეს იმ ფეხბურთელებზე ჰკითხეს, ვინც ხვალ ძირითადში ითამაშებს

''ჩვენ ხვალ და ოთხშაბათს გავმართავთ შეხვედრებს. ბერნაბეუზე დავაკვირდები ფეხბურთელებს და ოთხშაბათს მათ გამოვიყვან, ვინც ხვალ გაიბრწყინებს.''


მოუმ ისაუბრა ვარანესა და შაჰინზე

'' შაჰინი მალე გამომჯობინდება და სრული დატვირთვით ივარჯიშებს. ის მომავლის ფეხბურთელია და მე მჯერა მისი, რაც შეეხება ფრანგს, მასში უდიდეს პოტენციალს ვხედავ, მას საკმაოდ ბევრი გარჯა მოუწევს. ვარანე ძალზედ ჭკვიანია და ხვდება, რომ ბევრი ვარჯიში მას დიდ ფეხბურთელად აქცევს, ის უდავოდ ნიჭიერია. ჩვენ ყველა დიდ იმედებს ვამყარებთ მასზე. რთულია იცნობდე ვარანეს და არ გიყვარდეს იგი. დღეს დიდებული დღე გამოდგა მისთვის, მან 57,000 გულშემატკივრის წინაშე ივარჯიშა.''


წყარო : realmadrid.com