ბასკმა ნახევარმცველმა შეიძლება რამდენიმე წუთი ითამაშოს "ტენერიფესთან".

ხუთშაბათის ვარჯიშზე "ვალდებებასზე" კარგი ინფორმაცია იყო ის, რომ ვარჯიშს დაუბრუნდა ხაბი ალონსო. ალონსომ "ციურიხთან" მიღებული ტრავმა სრულად მოირჩინა. ასე, რომ ფეხბურთელი სრულიად მზადაა ითამაშოს შაბათს "ტენერიფეს" წინააღმდეგ. პელეგრინი კი აპირებს არ გარისკოს და ხაბი "მარსელთან" ათამაშოს.

მიუხედავად იმისა, რომ ალონსოს მნიშვნელოვანი როლი უკავია პელეგრინის სქემაში, ჩილელი სპეციალისტი ალბათ ბასკს არ ათამაშებს შაბათის მატჩში.

"რეალს" ბევრი ალტერნატივა ჰყავს ბასკის შემცვლელად. გუტი შესანიშნავად გამოიყურება სეზონის სტარტზე. მან უკანასკნელ ოთხ მატჩში სამი გოლის გატანა შეძლო ("ესპანიოლი", "ციურიხი", "ხერესი") და ოთხშაბათს "ვილიარეალთან" შესანიშნავად ითამაშა.

გუტის გარდა ასევე არის გაგო. არგენტინელმა ცუდად დაიწყო სეზონი და "ხერესთან" მატჩში გულშემატკივრები მას სტვენით შეხვდნენ, მაგრამ "ვილიარეალთან" კარგი თამაშით მან გულშემატკივარს იმედი დაუბრუნა. ასე, რომ სრულიად შესაძლებელია სწორედ არგენტინელს ენდოს მანუელ პელეგრინი.


ინფორმაციის წყარო: Defensacentral.com