კრისტიანო რონალდო ითვლება ლა ლიგის ერთ–ერთ ბომბარდირად. მან გაიტანა ხუთი გოლი და ასევე შევიდა "რეალის" ისტორიაში, მაგრამ მისი განცხადებით ის მხოლოდ გუნდზე ფიქრობს. ის Telecinco-თან საუბარში აცხადებს, რომ ძალიან ბედნიერია მადრიდში და პარტნიორებს დახმარებისთვის მადლობას უხდის.

"მნიშვნელოვანია, რომ გუნდი კარგად თამაშობს. "ვილიარეალთან" მატჩში გოლი გავიტანე, რამაც დამაჯერებელი გამხადა, მაგრამ მთავარი სამი ქულა იყო".

"გატანილი გოლი რაულს მივუძღვენი, რადგან თამაშის წინ მითხრა, რომ ამ შეხვედრაში გავიტანდი გოლს. ღვთის წყალობით, ყველაფერი კარგადაა. მადლობას ვუხდი ყველა ჩემს კოლეგას. ისინი ბევრს მეხმარებიან".

"ვიცოდი, რომ ყველაფერი გამომივიდოდა. ლოდინი იყო საჭირო და ისე უნდა მეთამაშა, როგორც "მანჩესტერში". მე მესმის იმ ხალხის, რომელთაც არ მოვწონვარ, რასაც ვაკეთებ მოედანზე, მაგრამ ეს ჩემი თამაშის მეთოდია. კარგად ვთამაშობ და ასეც იქნება".

"ადაპტაცია გავიარე. თავიდან თითქოს გაიწელა, მაგრამ ამაში თანაგუნდელები დამეხმარნენ".

"როცა "ვალდებებასზე" მივდივართ, ვგრძნობთ ხალხის სიყვარულს. ეს გვაძლევს მოტივაციას, რათა გავაგრძელოთ მუშაობა".

"ბარსელონა" შესანიშნავი გუნდია და კარგადაც თამაშობს. ჩვენ შევებრძოლებით მათ და სეზონის ბოლოს გამოჩნდება ვინ არის საუკეთესო".


ინფორმაციის წყარო: Realmadrid.com