მადრიდში დაბრუნებულმა სამეფო გუნდმა, მზადება დაიწყო შაბათის თამაშისათვის.პელეგრინისა და მის შეგირდებს, დახუნძლული გრაფიკის გამო დასვენების საშუალება არა აქვთ.

"ვილიარეალთან" გამარჯვების შემდეგ, მადრიდელებისათვის ყველაზე კარგი სიახლე ხაბი ალონსოს დაბრუნება გახლდათ.ესპანელი საყრდენი უკვე ძირითად ჯგუფთან ვარჯიშობს და არ არის გამორიცხული, რომ ის "ტენერიფესთან" შეხვედრაში ვიხილოთ.

დღევანდელი ვარჯიში, ძალების აღდგენის ხასიათს ატარებდა.ჩილელი დამრიგებლის განკარგულებაში, უკლებლივ ყველა მოთამაშე იყო, ნისტერლოის გარდა, ხოლოდ რაც შეეხება ტრავმირებულ გარაის, მეტცელდერსა და არბელოას, ისინი "ფიტნეს" დარბაზში ირჯებოდნენ.

"რეალი" მომდევნო ვარჯიშს პარასკევს გამართავს.ეს იქნება ფეხბურთელების ბოლო მოსამზადებელი ეტაპი "ტენერიფესთან" თამაშის წინ.