სამეფო გუნდის კაპიტანი, რაულ გონსალესი, "ყვითლების" წიმააღმდეგ მატჩში, მხოლოდ 64-ე წუთზე ჩაერთო თამაშში.ფეხბურთელი გახარებულია 3 ქულითა და მის მიერ დამყარებული რეკორდით.

- "ვილიარეალთან" თამაშმა, თქვენ რეკორდსმენი გაგხადათ...
- მე კმაყოფილი და მოხარული ვარ ამით, მაგრამ ახლა ჩემი ფიქრები მომდევნო თამაშს უკავშირდება.

- ეს გამარჯვება "რეალისათვის" მე-4 გამოდგა ლა ლიგის სტარტზე.ალბათ, დამეთანხმებით რომ კარგი შედეგია არა?
- გეთანხმებით.ჩვენ ძალიან მნიშვნელოვანი გამარჯვება მოვიპოვეთ."ელ მადრიგალიდან" გახარებული წამოსლვა ადვილი ნამდვილად არ არის.ძალიან მახარებს გუნდის მიერ აღებული ტემპი.ჩვენ კვირაში სამი შეხვედრა გვაქვს, მაგრამ როგორც ხედავთ, ჯერჯერობით ას პროცენტიანი მაჩვენებლით ვასპარეზობთ.

- რას იტყვით რონალდუზე, რომელმაც თქვენ მოგიძღვნათ გატანილი გოლი?
- კრიშტიანუ კარგ ფორმაში იმყოფება და მან გუნდისათვის მნიშნელოვანი გოლი გაიტანა.კმაყოფილი ვარ იმით, რაც ახლა კლუბში ხდება.

- როგორია რონალდუ მოედნის გარეთ?
- შესანიშნავი.

- "ბარსა" გალიდერდა იმით, რომ ერთით მეტი გატანილი გოლი აქვს...
- ჯერ პროგნოზების კეთება ნაადრევია.ყველაფერი წინ არის და ვგონებ, რომ გუნდი სწორი გეზით მიდის.