ბობ ბრედლი დღევანდელ ვარჯიშს დაესწრო და ასევე იგი შეხვდა იკერ კასილასს, ზინედინ ზიდანს, ჟოზე მოურინიოს და მიგელ პარდესას. წასვლისას ბრედლის ჟურნალისტებმა რამდენიმე კითხვა დაუსვეს:

აგერ უკვე მეორე წელია,რაც თქვენ თვალს ადევნებთ მადრიდის "რეალის" ვარჯიშს ლოს ანჯელესში. რატომ?

როცა "რეალის" ვარჯიშს ესწრები, ძალიან ბევრ რამეს სწავლობ, ასევე მე ძალიან მომწონს მორინიოს მუშაობის მეთოდი.

რით გამოირჩევა მათი ვარჯიში?

მათ აქვთ ძალიან მაღალი ტემპი და ულევი ენერგია. მოურინიო ყოველთვის მოწოდების სიმაღლეზეა, იგი წარმართავს გუნდის ვარჯიშს. ბევრი მწვრთნელი სწავლობს მოუსგან.

ადევნებდით თვალს მადრიდის "რეალის" მატჩებს გასულ სეზონში?

თითქმის ყველა თამაშს ვუყურე. მათ ჰქონდათ ძალიან კარგი სეზონი და როგორც ვატყობ, მომავალი სეზონი უკეთესი იქნება.

რა გეგმები გაქვთ აშშ-ს ნაკრებში?

ჩვენ ვემზადებით ამხანაგური მატჩებისთვის. ჯერ მექსიკას უნდა ვეთამაშოთ, ხოლო შემდეგ ევროპაში მივემგზავრებით, სადაც ბელგიას დავუპირისპირდებით.