ბენფიკა შვეიცარიაშია, კოენტრაო პორტუგალიაში
მოგეხსენებათ, ფაბიო კოენტრაოსთან დაკავშირებული ჭორები ყოველდღიურად იწერება პრესაში, ყველასთვის ცნობილია, რომ სამეფო კლუბის მთავარი მწვრთნელი ჟოზე მოურინიო თანამემამულის მიმართ სერიოზულ ინტერესს იჩენს და მისი ესპანეთში ხილვა სურს, დღეს საკმაოდ საინტერესო ფაქტი გავრცელდა მარცხენა მცველთან დაკავშირებით...
პორტუგალიურმა ბენფიკამ უკვე დაიწყო წინასასეზონო მზადება, გუნდი დღეს ევროპული დროით 11:30 საათზე შვეიცარიაში გაემგზავრა, მაგრამ ლისაბონელებთან ერთად არ არის მათი ერთ-ერთი საუკეთესო ფეხბურთელი და წამყვანი ფიგურა კოენტრაო. ეს ფაქტი ჟურნალისტებმა მაშინვე გააშუქეს და სკანდალიც აგორდა. ფაქტია, რომ პორტუგალიური გუნდი უკვე შვეიცარიაში იმყოფება, ხოლო ფაბიო სამშობლოში.
გავრცელებული ინფორმაციით პორტუგალიელმა მოთამაშემ უარი თქვა გუნდთან ერთად გამგზავრებაზე და კიდევ ერთხელ გამოხატა მადრიდის "რეალში" გადასვლის სურვილი, რასაც მორიგი დაპირისპირება მოყვა და მცველი დროებით გუნდიდან მოიკვეთა.
ამ კვირაში პერესსა და ლისაბონელებს შორის კვლავ იქნება შეთანხმების მიღწევის მცდელობა. დაველოდოთ მოვლენათა განვითარებას.
- 4 ივლისი 2011
- 2 008
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
