ჟოზე მოურინიოს პირველი წელი "რეალში" მეტნაკლებად წარმატებული გახლდათ. მის პერიოდში გუნდმა და ცალკეულმა ფეხბურთელებმა სხვადასხვა რეკორდები დაამყარეს. პორტუგალიელმა სპეციალისტმა განვლილ სეზონში 32 ფეხბურთელს მისცა თავის გამოჩენის შანსი. გრეგორიო მანზანოსთან ("სევილიის" მწვრთნელი) ერთად მოუ "ლა ლიგას" ამ მხრივ ლიდერობს.

ყველაზე მეტი მატჩი მოუს გუნდში იკერ კასილასმა ჩაატარა და წუთობრივად 3 062 წუთი დაჰყო მოედანზე, შემდეგ მოდის რიკარდო კარვალიო - 2 773 წუთი, კრიშტიანო რონალდო - 2 091 წუთი და ა.შ.. ჟოზემ ასევე რამდენიმე ახლგაზრდა ფეხბურთელსაც მისცა თამაშის საშუალება: მორატა, ალექსი, ნაჩო, ხოსელუ, ჟეფრენი, ხუან კარლოსი და ტომას მეხიასი.

ჟოზე მოურინიომ ასევე მეორე ადგილზე გადაინაცვლა მადრიდის "რეალის" მწვრთნელებს შორის. მას მხოლოდ ამანსიო უსწრებს( 1984-1985). ამ უკანასკნელმა 36 ფეხბურთელი გამოიყენა. გარდა ამისა პორტუგალიელი სპეციალისტი ესპანეთის მასშტაბით ათეულშიც მოხვდა. აღსანიშნავია,რომ აქაც ამანსიო ლიდერობს.