დამეთანხმებით, რომ არდადეგებზე მყოფ ჟოზე მოურინიოს, საკმაოდ დიდი თავსატეხი აქვს, შემადგენლობასთან დაკავშირებით.

საქმე იმაშია, რომ ამ მომენტისათვის, ”რეალში” 28 ფეხბურთელი ირიცხება.თუ გავითვალისწინებთ ხმებს, მოახლოვებულ ტრანსფერებთან დაკავშირებით, ”ბლანკოსს” კიდევ შეემატება 2-3 მოთამაშე და ჯამში მივიღებთ შემადგენლობას, სადაც მინიმუმ 7 მოთამაშე, უხეშად რომ ვთქვათ, ზედმეტი იქნება.

მოურინიოს დაგეგმილი აქვს, ვარჯიშების 23 ფეხბურთელით დაწყება.შესაბამისად, მას დიდი განწმენდითი სამუშაოების ჩატარება მოუწევს, რამეთუ შეკრებამდე დარჩენილია 12 დღე და როგორც უკვე ვახსენეთ, მინიმუმ 7 ზედმეტი მოთამაშე.

მართალია, შარშანდელ შემადგენლობას გამოაკლდა დუდეკი, რომელმაც ამოწურა თავისი კონტრაქტი, მაგრამ დაემატნენ: შაჰინი, კალეხონი, ალტინტოპი, ვარანე და განათხოვრებიდან დაბრუნებულნი, დრენტე და მატეოსი.აქედან გამომდინარე, სურათი საკმაოდ რთულია.მაშასადამე, უახლოეს დღეებში, უნდა მოველოდოთ, მადრიდიდან ფეხბურთელების ”პანტა-პუნტად გაყრას.”

სტატია მომზადებულია ”რეალმადრიდ.რუ”-ზე დაყრდნობით.