როგორც მოგეხსენებათ, კუნ აგუეროს თემა საკმაოდ აქტუალურია დღესდღეობით. მასზე პრეტენზიას მადრიდის ”რეალი” და ტურინის ”იუვენტუსი” აცხადებენ. ჟოზე მოურინიოს დიდი სურვილია არგენტინელი ფორვარდის საკუთარ რიგებში ხილვა და ფლორენტინო პერესი ცდილობს, მწვრთნელს სურვილი აუსრულოს...

სამეფო კლუბის მესვეურები მზად არიან გარიგებაში ალვარო ნეგრედოც ჩართონ, რომელიც ჯერ კიდევ ”მერენგებს” ეკუთვნის. ესპანელს, კიდევ გარკვეულ თანხას დაუმატებენ ან თუ შესაძლებელი გახდა გაკეთდება პირდაპირი ბარტერი.

თავდაპირველად, პერესი ფიქრობდა, რომ აგუეროს გადმობირებაში, ბენზემა ან იგუაინი ჩაერთო, თუმცა საბოლოოდ გადაწყდა, რომ ბარტერის ერთ-ერთი მონაწილე ნეგრედო უნდა იყოს, რომელიც ძალიან მოსწონს ”ატლეტიკოს” დამრიგებელს.

შეგახსენებთ, რომ ”რეალს” 15 ივლისამდე შეუძლია ალვაროს გამოსყიდვა.


წყარო:defensacentral.com