დღეს ბენფიკას ვარჯიშზე კოენტრაო გამოცხადდა და შეასრულა მწვრთნელის დავალებები. თითქოს არაფერი მომხდარა... არადა მის "გათეთრებამდე" სულ რამდენიმე საათია დარჩენილი, მისი დღეები ბენფიკაში კი უკვე დათვლილია.

ფაბიომ ეს ვარჯიში გამოიყენა გამარჯობის სათქმელად შვებულებიდან დაბრუნების შემდეგ და დასამშვიდობებლად დიდი მადრიდული მოგზაურობის დაწყებამდე. ბენფიკას, რეალსა და ფეხბურთელს შორის უკვე ყველაფერი მოგვარებულია, მხოლოდ ფინანსური ოპერაციის შესრულება არის საჭირო. მადრიდის რეალის ბიუჯეტი შემდეგი სეზონისათვის 1 ივლისს შეივსება და "არწივების" ხელმძღვანელობას სთხოვეს 1 ივლისამდე ვადა მიეცათ, რაზეც პორტუგალიელები დათანხმდნენ. კოენტრაო კი დღეს გამოემშვიდობა თანაგუნდელებს, რომლებიც მასთან ერთად ასპარეზობდნენ 3 წლის განმავლობაში.

კოენტრაოს მადრიდში გადასვლა უფრო ადრე სურდა, მაგრამ არც 1 ივლისი არის ურიგო, რადგან მალე დაიწყება რეალის წინასასეზონო ტური აშშ-ში, სადაც გუნდს ფაბიოც გაყვება, ეს მას მისცემს შანსს უფრო ახლოს გაიცნოს თანაგუნდელები და შეეწყოს მათ.

ბენფიკაში კი მისი თანაგუნდელები ისე საუბრობდნენ კოენტრაოზე, თითქოს ის უკვე მადრიდის რეალის წევრი ყოფილიყო და ელოდებოდნენ ხელმძღვანელობისგან შემდეგ სიტყვებს: "კოენტრაო ძალიან მნიშვნელი ფიგურაა ჩვენთვის, მაგრამ უნდა შევეჩვიოთ მის გარეშე ცხოვრებას. ფეხბურთში რა მოხდება არავინ იცის, ამიტომ მზად უნდა ვიყოთ ცვლილებებისათვის."

მის გამადრიდისტებაზე ისაუბრა რეალის ყოფილმა ფეხბურთელმა სავიოლამაც: "მე ჯერ კიდევ მაქვს იმედი, რომ ის ჩვენთან დარჩება, მაგრამ ამის შანსი ძალიან მცირეა, ვუსურვებ მას წარმატებას."

ვარჯიშზე კოენტრაო ესაუბრებოდა როდრიგოსაც, რომელიც მადრიდის რეალის აღზრდილია. ფაბიომ ახალგაზრდა ფეხბურთელს წარმატებები უსურვა.